Einingar: 3
Hæfniþrep: 2
Viðfangsefni:
Áhersla er lögð á að efla tónheyrn og færni í að greina hvernig tónbil, laglínur, hljómar og hljómasambönd eru uppbyggð. Námið miðar að því að nemendur hafi vald á að syngja, greina og skrifa niður algeng takt-, laglínu- og hljómferli. Erfiðleikastigið fer heldur vaxandi miðað við RT 2.1. Tónbil ná oft út fyrir áttund og laglínu- og hljómadæmi eru gjarnan heldur lengri en áður. Í hrynþjálfun er í vaxandi mæli þjálfuð samhæfing og sextándupartar bætast við. Byrjað er að vinna með óreglulegar taktegundir.
Lýsing:
Tónlestur, tónbil og ritun hljóma, laglínu- og hrynferla. Í tónheyrninni er notast við Solfa kerfið. Aukin áhersla á að skilja og heyra algenga tónstiga.
Forkröfur:
Rytmísk tónheyrn 2.1.
Þekkingarviðmið: Nemandi skal hafa öðlast þekkingu og skilning á:
Laglínusöng með Solfa aðferð og uppbyggingu hljóma.
Hvernig algengar rytmískar hrynhendingar, byggðar á áttundaparts- og sextándapartsnótum, eru útfærðar í nótnaskrift.
Hæfniviðmið: Nemandi skal hafa tileinkað sér færni í að:
Heyra, syngja og rita niður einfaldar laglínuhendingar í dúr- og molltónstigum, sem byggðar eru á algengum rytmískum hrynmynstrum og ódíatónískar nótur koma fyrir í.
Greina algeng hljómferli sem eru að mestu innan tóntegundar.
Hagnýta sér þá almennu þekkingu og leikni sem hann hefur öðlast, til að efla samleik og spuna.
Námsmat:
Próf og námsmat: Frammistaða í tímum (10%), 3 áfangapróf (30%), skriflegt og munnlegt próf í lok námskeiðs þar sem hvort gildir (30%)- Kennari: Gunnar Hrafnsson