Einingar: 3

Hæfniþrep:3

Viðfangsefni: Sjöundarhljómar, minnkaði hljómurinn, tóntegundaskipti til heimahljóma.

Lýsing:


Lögð er frekari rækt við að þjálfa tæknileg atriði fjögurra radda sálmastíls með áherslu á tónmál J. S. Bach. Allt efni er kynnt og æft í tímum en nemendur standa skil á heimaverkefnum í hverri viku.


Forkröfur:


Hljómfræði 1.2


Þekkingarviðmið:


  • Þekkja allar lausnir 7undarhljóma.

  • Þekkja lausnir minnkaðra þríhljóma á grannsæti

  • Þekkja tóntegundaskipti milli sammarka tóntegunda og upp og niður eitt formerki, þ.e. á heimahljóma í dúr eða moll utan minnkaða hljómsins.

  • Þekkja forhljómsstaðgengla.

  • Þekkja mun á díatóník og krómatík.


Leikniviðmið:


Hafa vald á ofangreindum þekkingaratriðum í hljómrænu díatónísku samhengi og geta beitt þeim í fjögurra radda tónbálki.


Hæfniviðmið:


  • Geta samið hljómagang innan marka námsefnis með fjölbreyttum hljómskiptum, góðri lagrænni hreyfingu sóprans og bassa og viðeigandi endum.

  • Geta greint og borið skynbragð á sama efnivið í verkum annarra.


Námsmat: Skrifleg heimaverkefni alla önnina og skriflegt próf í lok hennar.